آآآه يا زمن ؛؛

يا زمن .. شفت اللى جرالى يا زمن
يا زمن .. حاسس بنارى يا زمن
يا زمن .. باللى ف قلبى دارى يا زمن
يا زمن .. يا زمن

جيت الحياه وانا بابكى
وافتكرت انها لحظه وهارسم ضحكتى على وجهى
اتارينى هافضل طول عمرى ابكى وابكى وابكى
آآآه يا زمن

من صغرى يا زمنى وانا ..
باقابل ناس كتير
والحب ف قلبى ليهم - صدقنى - ملوش مثيل
والغدر ف عيونهم - للاسف - مكنش له عندى دليل
حبيتهم ووفيت
ولفراقهم ما تمنيت
سابونى وبعدوا عنى
وللقمر حالى شكيت

سكت القمر وعيونه .. كان فيها دموع مكنونه
ولما بكت عينى .. انفجر هو فى دموعه
وسألته ايه بكاك ؟؟
قالى الاستهوان بهواك
شفت كتير عشاق
لكن انت ... مش هانساك

سكت وسكتت دموعى ..
بافكر تانى ف حالى
وكل اما افتكرلهم موقف يضحكنى .. الاقيه فى النهاية بكانى
يا زمن .. شفت اللى جرالى !!

وفجأه بصيت للسما ..
لاقيت القمر داب ف الهوا
وطلعت شمس الامل
تحرق ذكرياتى .. وتزيد من اهاتى
وارجع استنى قمر تانى جديد
واحكيله حكايتى واعيد
ويبكى معايا وفجأه ..
يفارقنى ويبعد بعيد
كل يوم على ده
وللاسف مفيش جديد

هو ده حالى يا زمن .. هو ده حالى