ووقفنا ع البحر نقول حكاوينا
وهمسنا وضحكنا وحبنا يداوينا
وكانها ايد بتمسح دمع عنينا
وتخفف الجراح اللى ياما سكنت فينا
وتصرخ الايام من كتر اللى بينا
وتحضن اوهام تملى حلمنا بيها
وتبكى على فراق احباب عاشوا لينا
ونصحى بعد اما ننام .. ناسيين ماضينا
ونفتح عنينا نلاقى .. قطر الحب واقف مستنينا
نركب فيه والشوق باين علينا
و كأن كل كلمة حب اتخلقت بس لينا
ويمر قطرنا على بلاد وبلاد نملاها بالى بينا
دفا وشوق وحنين ؛ وطيبه ساكنة فينا
وفضلنا سوا عايشين والعمر يجرى بينا
وكانت اجمل حياة يا حبيبى عشنا فيها
... لكن صحيت لاقيت منبه الجراح بينده علينا
أتاريه نفس الحلم اللى بنحلمه كل ليلة
؛ نخلص من جراحنا ومن بكا عنينا
؛ نحس بالدفا ، بالحب اللى هرب من بين ايدينا
اصحى يا حبيبى .. لسه العمر مخلـّصش تاره فينا
وآآآه يا جراح لما تملينا ؛
والف آه يا دنيا لما تقسى علينا ؛
تمت ..
12 / 10
والف آه يا دنيا لما تقسى علينا ؛
ردحذفومن سيسمع تلك الآه الموجعة ؟ّّّ!!!
من .....؟!!
من سيشعر بخروجها .. من ستحرقه .. تلك الزفرة الملتاعة ...؟!!!
..كالعادة احساس راقي جداً ..
ودمتي بخير وسعادة ..
واشكر لك مرورك الكريم
قلتها واعلم ان الدنيا صماء عن صراخى مهما اعتلا صوتى فلن تسمعنى ..
ردحذفقلتها لا كى اسـُمع الدنيا اهاتى فهى الادرى بها منى .. لكن كى اخـُرج بعضا من جراح نفسى كى افرغ مكانا للمزيد من الجراح فلا شك اننى يوميا استقبل كل جديد من الوان الجراح والالم .. لكن فى النهايه لا يسعنى سوى ان اخرج حروفا ولو متقطعه لما بالنفس من مرار " الحمد لله "
اسعدنى مرورك ..