سلام يا ولادى سلام ...

يا ولادى انا مصر الأبية

الظلم ده كله ازاى فيا ؟؟
ازاى ترضيكوا حالتى ديا !!
الظلم حكمكوا ولسانكوا أهو خانكوا ..
ولا عاد حد بينطق .. ولا حد دارى بيا
نار يا ولادى فيا
حزينه ع اللى بيا
ظلم ودمار وخراب
وانا أم الدنيا ديا
امتى هتنطقوا امتى ؟؟
الفساد ده لحد امتى ؟؟
يا ولادى حد ينطق .. حد يرد عليا ..
زمان كنت صبية
لاقيت ايد حنينة عليا
وحروب كتير خاضوها
شجعان عاشوا فيا
دافعوا عنى بارواحهم .. ودماهم حلت القضية
وفالآخر ... النصر كان ليا
ليه انتوا مش زيهم ؟!
هو دمكم مش دمهم ؟!
دا دم المصرى واحد ..
وهمكم همهم
اصرخ يا ولدى باعلى صوت
اصرخ بإن الظلم يموت
ولو يوم ف شوارعى تفوت
اوعدنى هتفضل حصن ليا
سلام يا ولادى سلام
مش هتشوفونى غير فالاحلام
ويوم ما يرجعلى حقى ..
هاخدكوا بالاحضان .. هاخدكوا بالاحضان

تـمـــــت ؛،؛