انا ابقى مين ؟؟
انا ابقى مين وكنت فين طول السنين ؟؟
انا حلم تايه كنت ساكن قلب حزين
دلوقتى معرفش رايح منين لفين
انا حلم حد بيحلمه ,, من كتر شوقه بيرسمه
على ورق الشجر , ع الرمال , و ع الجبين
انا حلم ضعت بين البشر
انا حلم لبهلوان عايش حزين
انا ابقى مين ؟؟
انا الامل ولا انا صوت الانين ؟؟
انا الحب ولا انا كره السنين
انا قوى ولا انا اضعف من ملايين
انا الفراق ولا انا شوق العاشقين
اناابقى مين ؟؟
انا عرفت مين انا ... انا عرفت انا ابقى مين !!
انا حلم ساكن جوه العيون
انا حلم محفور فالجفون
انا حلم مش ممكن تطوله مهما يكون
انا حلم توصله بطلوع العين
انا حلم ممكن تعيش عمرك كله ومتعرفوش
انا حلم جاى يقولكوا متخافوش
انا حلم حد محلتوش
غير شوية حب ,, وامل وحنين
ليست هناك تعليقات:
إرسال تعليق