عصفورة لسه صغيرة

فالعش واقفه متحيرة

ترفع ايديها للسما

يرزقها يوم طعم الهوى

تبكى والحزن فدمها

ساكن معاها فعشها

كابوس بييجى فحلمها

 يرجع العمر لورا

يقولها انتى لسه ... يا حبيبتى صغيره

تبكى وتقول الهوى ! ..

نفسى اشرب من كاس الهوى

ويوم ما هتعب منه

مش هطلب منكوا الدوا

واتحقق حلمها ... وعاشت حبها

وخافت يا ناس من ربها

بيقولوا حرام ويقولوا دا عيب

والحب مش معناه تهريب

تهريب عبارات حب وكلمات

 تملا روحها شوق لحبها

ويوم ما قررت تنسى

مقدرتش ولا قدرت تقسى

على نفسها , وتدوس اوى

على قلبها , وتقنع روحها بانها

نسيت حبها ولسه ...

ياما هتنسى وتنسى وتنسى

وايه يا عالم هيكون اقسى

من قلب بيوقف نبضه

من روح بتموت تحاول تعيش ! بتموت برضه

ومين بالظلم دا يرضى .

ليه الحب كدا يتهان

وكانه سجن ساكنه السجان

 الحب احساس الامان

من غير لا خوف ولا استئذان
الحب كلمة طيبه تتقال  بس .. فالحلال

احنا اللى ظلمنا الحب

احنا اللى بيقولوا عليهم

عشنا حب من اوله لا يملى عنينا ولا عنيهم

احنا اللى سبقنا وقتنا 

مصبرناش ليه على رزقنا

ليه بس نغضب ربنا 

ونبكى عيون عشقانا وعشقاهم

يا عصفورتى اهدى مش هو دا وقتك

بكرة هتعيشى وتحلمى 

ومين وقتها هيبقى ادك

معاكى حبيبك عايشه حلمك راضيه ربك 

ايه بس تانى تتمنيه

وبعد الحب اللى هيملاكوا هيبقى فى ايه

طيرى يا عصفورتى وابعدى

عن حلم مش جاى فميعاده

ولو فيوم تتالمى

" صحى فالقلب عناده